#22| 3 ti neglijans pou evite nan relasyon ou avèk Bondye

Konesans ak seryozite se de bagay diferan nan sèvi Bondye. Ou ka konnen sèvi Bondye bon, ou konn tout sa pou fè men ou pa gen dezi. Ò se Sentespri a ki nan ou k ap fè ou obeyi Bondye. Bib la di :"...se Bondye menm k ap travay tout tan nan kè nou. Se li ki ban nou anvi fè sa ki pou fè l plezi ansanm ak fòs pou nou ka fè l vre"(Filipyen 2.13).

Konsa, si ou pran plezi nan fè neglijans, se ka prèv Bondye pa ba ou anvi fè sa li vle. Sa ta vle di li p ap viv nan ou. Men 3 pami neglijans ki ka montre w sa. 

1. Bay manti pou jwèt

Gen moun ki pran plezi nan bay manti. Li santi l alèz e li fè nenpòt moun sa. Jwe avèk yon peche konsa montre ou pa gen krentif pou Bondye. Satan ka itilize w fasil pou twonpe moun. Bib la di:" Pa bay frè nou yo manti. Paske, nou voye vye moun nou te ye a jete ansanm ak tout vye mès li yo"(Kolos 3.9).

2. Neglije li Bib la

Anpil swadizan kretyen kwè yo ka sèvi Bondye san yo pa gen abitid li Bib la. Si se akoz yo pa konn li, pa gen pwoblèm men lè ou fè eksprè sou pretèks ou pa gen tan, sa montre li pa enpòtan. Bib la di:"...men ki pran tout plezi l nan lalwa Seyè a, k ap repase l nan tèt li lajounen kou lannwit"(Som 1.1-2). 

3. Bliye priye souvan

Yon pitit Bondye gen relasyon avèk Bondye. Akoz tout kalite rekèt li chak jou, l ap bezwen priye. Bliye priye vle di relasyon ou pa twò enpòtan, ou gen lòt priyorite. Ò, Bib la ankouraje nou priye tout tan (1 Tesalonisyen 5.17). 

Ou neglijan lè ou pa pran swen oswa fè yon bagay jan ou te dwe fè l. Koulye a, mezi 3 sa yo ka ede ou dekouvri lòt neglijans nan lavi w ap mennen nan Kris la. 

Klike la pou telechaje liv sa a gratis

Jerome Dorsonne Emerson

Foto/Atik: SANTE MAGAZINE