« Si nou youn renmen lòt, lè sa a tout moun va konnen se disip mwen nou ye » (Jan 13.35).
Santiman ou gen pou zanmi ou, fanmi ou, pitit ou, fiyanse oswa konjwen ou pa kalite renmen Jezi mande a. Koute sa li te di :
« Si nou plede renmen moun ki renmen nou ase, ki rekonpans nou merite pou sa ?" (Matye 5.46).
Tout kretyen kwè Bondye ap beni yo lè yo mache dwat. Men èske se lè nou fè sa ki pa mande nou pyès efò? Ki rekonpans Bondye dwe ba ou si ou renmen zanmi ou ase ? Jezi pa t ap yon lidè enfliyan si li te plede fè byen avèk disip li yo sèlman. Sou kwa a, li te mande Bondye padone moun ki te dwe mouri.
Renmen Levanjil ap pwone a pa yon kopi sou pa monn lan. Se pa konsiderasyon pou moun ou renmen, konnen ak bezwen. Se yon lòd ki mande nou fè plis pase sa nou konnen yo. Se nòmal pou de zanmi, manm yon fanmi renmen, men renmen yon frè ki diferan de ou, yon sè ki pa alèz avèk ou mande fòs Sentespri a. Se sa ki fè nou pa ka sèvi Bondye san nou pa batize nan Sentespri.
Annefè, lè nou vin pitit Bondye, nou antre nan yon fanmi. Si se san moun ki te fè ou renmen frè ak sè w, se san Jezi kite koule pou tout pechè k ap fè w renmen tout pitit Bondye.
Jérôme Dorsonne Emerson
Aucun commentaire:
Enregistrer un commentaire
Ekri tout lèt nan mo w ap chwazi yo.