#79| Relasyon pèsonèl: koz prensipal nan echèk lidè yo

 

Kesyon relasyon pèsonèl la ta dwe youn nan preokipasyon primòdyal tout kote kretyen ap viv epi/oswa ap travay ansanm. Konprann sijè sa a esansyèl nan fwaye kretyen yo, nan legliz lokal yo, nan asosyasyon misyonè yo, nan lekòl yo ak enstiti biblik yo. Pa gen youn nan nou k ap travay pou kont li. Mwen menm avèk ou, nou youn toujou an kontak avèk lòt, trè sere, anpil fwa. 

Si relasyon nou avèk yon lòt moun gen tansyon, rezilta a ka yon dezas pou nou tout, e sa ap antrave sèvis nou yo. 

Yon dirijan kretyen te di : « Sa ki lakoz plis konfli ak domaj nan kò Kris la, se yon senp pwoblèm etik nan relasyon pèsonèl yo». 

Dirijan yon gran asosyasyon misyonè anpil moun te konnen te fè konnen 60% echèk misyonè yo se konsekans pwoblèm relasyon, swa paske koekipye yo pa vle antann yo, swa paske yo te opoze kont siperyè yerachik yo. Pwoblèm sa a ka egziste nan fwaye kretyen yo, nan legliz yo, nan lekòl yo, nan enstiti biblik yo ak nan asosyasyon misyonè yo. 

L’art de travailler en équipe 

Sam Doherty 

AEE, 2005

Tradiksyon: JDE