Si gen kretyen ki kwè nan chwa endepandan Bondye ka fè pou yo marye avèk moun pa yo a, gen lòt ki kwè yo ka chwazi pou kont yo. Pou sa, gen plizyè kritè evanjelik (pa jeneral), pami yo, nou ka site:
1. Imilite (chèf): mari m pa dwe awogan ni vyolan
2. Kapasite ekonomik: selon 1 Timote 5.8, li dwe ka pran swen m oswa gen yon metye pou nou tou de ap fè lajan.
3. Sòlda nan lapriyè : li dwe yon moun ki konn priye anpil ak jene.
4. Manm batize: li pa dwe konvèti sèlman, se yon manm legliz pou l ye.
5. Pastè, evanjelis, atis evanjelik : mwen renmen moun ki popilè oswa ki konn pale oswa ki nan pozisyon wo.
6. Obeyisan/soumèt: madanm mwen dwe soumèt devan m paske yon mari se chèf madanm li.
Tout kritè sa yo ka parèt bon men gen fiyansay ak maryaj ki te fonde sou yo e ki kraze malerezman. Sa vle di yo pa otantik.
Daprè mwen, puiske li pa fasil pou konnen si youn nan kritè sa yo bon pou reyisi yon maryaj, li t ap mye pou yon kretyen chache yon zanmi ki gen krentif pou Bondye. Paske, anreyalite, se divòs ki motive yon bon chwa. Tout pitit Bondye swete marye jiskaske lanmò separe yo.
Yon konjwen ki gen krentif pou Bondye ap fè lwanj pou li nan tout desizyon l ap pran nan fwaye a. Konsa, l ap evite tout sa ki ka evite eskandal ak ipoteke avni timoun yo.
Yon mari ki gen krentif pou Bondye p ap apiye sou wòl chèf li pou maltrete madanm li. Yon madanm ki krenn Bondye p ap pran plezi nan dezobeyi mari li. Ala bèl bagay lè de moun k ap viv nan yon fwaye gen krentif pou Bondye! Youn p ap chache eskiz pou fè sa k ap ofanse li.
Èske ou moun ou wè a, sila ou genyen an, sila k ap pale avèk ou a, fiyanse w la gen krentif pou Bondye? Panse sou sa avan ou marye.
Jerome Dorsonne Emerson
Pou kesyon, koreksyon ak sijesyon, pa ezite kòmante.
RépondreSupprimer