Koulye a, nanpwen okenn kondanasyon pou moun ki fè yon sèl kò avèk Jezi (Women 8.1).
Doute ou sove se yon santiman nòmal. Ou se yon pechè ki fè ou pa t merite sove (Efezyen 2.8-9). Vin jwenn se gratis, ou kontan anpil men kontantman sa soti nan ou, se pa fòseman akoz Sentespri a ap viv nan ou. Se sa ki fè, chak fwa ou santi ou fèb, ou sonje nati ou ki fè ou tante fasil (Women 7.14-25). Epi imedyatman ou raple ou jistis Bondye, ou santi ou koupab. Se lè sa a ou kòmanse kesyone: Èske m sove tout bon? E sim ta mouri demen, kote m prale? Kisa ou te fè pou sove?
Daprè Efezyen 2.8-9, anyen. Pou ou gen garanti, ou te resevwa Lespri Bondye ki fè ou vin pitit li (Women 8.9 ; Efezyen 4.30). Alò, kòman pou Jezi ki te vin sove ou ta kondane ou? (Jan 3.17). Nonsèlman ou dwe sèten ou sove, fòk ou mete asirans la sou Jezi ki te fè pwomès la (Jan 4.24). Puiske li te chwazi sove ou paske ou te kwè nan li, kontinye kwè li sove ou. Li pa konn bay manti ni manipile moun.
Gen plizyè mwayen ou ka konnen si ou sove. Pami yo, se abitasyon ak manifestasyon Lespri a nan ou : « Men, Lespri Bondye a bay renmen, kè kontan, kè poze, pasyans, bon kè, seryozite, li fè ou gen bon mannyè. Li fè ou aji avèk dousè, li fè ou konn kontwole kò ou… » (Galat 5.22-23).
Analize tèt ou pou kont ou, panse sou pawòl ou ak aksyon ou, gade kòman w ap viv epi w ap konnen si ou sove toutbon ou pa.
Ou ta renmen sipòte nou? WhatsApp nan 36396642
Jerome Dorsonne Emerson
