« Si nou padone moun lè yo fè nou mal, Papa nou ki nan syèl la va padone nou tou » (Matye 6.14)
Pran omwen yon minit pou panse lè w ap mande Bondye padon pou yon mal ou te fè.-
Tankou David te di :
« Gen pitye pou mwen, Bondye. Jan ou gen bon kè sa a ! Tanpri, efase tou sa mwen fè ki mal, paske ou gen kè sansib » (Som 51.1).
David t ap soufri akoz konsyans li t ap repwoche li ak konsekans peche li te fè (2 Samyèl 12.9,14). Antanke yon Papa ki gen konpasyon, li te reklame pitye li tèlman li t ap panse avèk pèn li.
Se konsa, lè yon pwochen, yon ènmi fè ou mal epi li rekonèt tò li, depi li vin mande ou padon, devwa ou se padone li. Ou pa dwe fè li peye konsekans mal li te fè ou a. An reyalite, se sa li merite men puiske w ap toujou bezwen pou Bondye padone ou, ou dwe padone li.
Pa chache rezon pou kenbe yon pwochen nan kè ou. Ou deja konn sa pou fè, refize se dezobeyi. Si ou te antò, se ou menm ki t ap nan pozisyon pou mande li padon. Aji nan pozisyon ou ye a. Bondye ou kwè k ap tande priyè padon ou yo se li menm k ap koute demann ofansè ou a.
Pa bliye ! Yon vrè padon pa suiv repwòch. Ou pa bliye men ou pa bezwen repete sa nonplis.
