« Men jan nou ka depati pitit Bondye yo ak pitit Satan yo: depi yon moun pa fè sa ki dwat devan Bondye, depi li pa renmen frè li, se pa pitit Bondye li ye » (1 Jan 3.10).
Pi souvan, lè n ap pale de pitit Satan, se Jan 8.44 ki vin nan lespri nou pi vit. Li fè nou konnen moun k ap bay manti se pitit Satan.
Nan 1 Jan 3.10, apot la pwopoze yon lòt tès pou aprann fè diferans ant pitit Bondye ak pitit Satan.
Premye tès la se « mache dwat ». Ou ka di bèl pawòl avèk zanmi ou ak lakay ou. Ou ka ekri ak pataje bèl mesaj sou rezo sosyal yo epi poste foto ou pou deklare ou se pitit Bondye. Tout sa pa anyen si ou p ap mache dwat. Sa vle di, w ap fè sa ki bon devan Bondye tout kote.
Dezyèm tès la se « renmen ou gen pou frè ak sè ou ». Raple ou leson sou padon an, se youn pami twa prèv renmen : padone, ede ak swete sa ki byen. Pou nenpòt rezon ki fè ou pa ka pwouve ou renmen yon pwochen vle di ou pa pitit Bondye. Paske, ata moun ki ènmi ou, ou pa dwe rayi, alewè pou pitit Bondye parèy ou, frè ak sè ou. Si Bondye ta teste ou koulye a, èske ou t ap reyisi li ?
Jerome Dorsonne Emerson
F/La Rébellution
/
