Gen kat tip sanntifikasyon
Sanntifikasyon avan konvèsyon (1 Korent 7.14)
Yon moun ka sanntifye avan li konvèti selon pozisyon li granmesi yon kretyen, yon konjwen. Li valab pou yon moun ki fèt nan yon fanmi kretyen.
REMAK ENPÒTAN: Pozisyon sa a pa vle di ou sove puiske ou poko konvèti.
Sanntifikasyon pozisyonèl ( Travay 26.18 ; 1 Korent 1.2, 6.11 ; 2 Tesa 2.13 ; Ebre 10.10,14)
Sanntifikasyon sa a posib nan nouvèl nesans la.
REMAK ENPÒTAN: Ou sove anba pouvwa peche. Peche pa ka kondane ou ankò (Women 8.1)
Sanntifikasyon pwogresiv (pratik) (1 Tesa 4.3,4 ; 2 Tim 2.21 ; Jan 17.17; 2 Kor 3.18)
Sanntifikasyon sa a bezwen obeyisans ou nan pawòl Bondye a. Se chak jou w ap bezwen fè sa menm jan w ap priye san rete. Toutotan ou sou tè sa a, w ap bezwen separe ou de tout sa ki ka antrave sentete ou (Efezyen 4.30, 1 Tesalonisyen 5.19).
REMAK ENPÒTAN: Se chak jou w ap sove nan prezans peche. Se vre, monn lan pa bon men w ap viv pou fè Bondye plezi (2 Korent 7.1 ; Women 12.2).
Sanntifikasyon final (parfaite): 1 Jan 3.1-3)
Lè sa a, ou p ap sou latè ankò ni nan kò ou ye koulye a. W ap nan syèl la.
REMAK ENPÒTAN: Ou sove anba puisans peche nèt.
Nòt enpòtan.-
Byen li 1 Tesalonisyen 5.23 pou ou pa panse se ou menm k ap sanntifye tèt ou epi li vèsè 24 la.
Se pa tout kote nan Bib la mo sanntifikasyon oswa viv apa se menm tip.
Ou dwe etidye pou konnen si se sanntifikasyon pozisyonèl pou w pa panse se ou menm k ap fè efò a. Paske, se Bondye ki ka sanntifye ou konsa.
Yo pa fòse pèsonn mennen yon viv apa, se rezilta bon konvèsyon li. Sa vle di, tout moun ki sove ap mennen yon lavi apa.
