Konnen si se fanmi oswa ministè
ki dwe avan, rete yon sijè deba nan sektè evanjelik la. Yon gwoup kwayan kwè se
ministè ki vin avan. Pou rezon sa, mari oswa madanm dwe bay ministè li
priyorite sou fwaye li.
Kontrèman avèk sila ki kwè se fanmi ki dwe vin avan, enterè fanmi an pi enpòtan pase ministè a. Men èske Bib la apiye yon tèl tandans? Ki kote verite a ye? Kisa nou dwe konprann?
Sou premye ang la, priyorite yon sèvitè ki poko marye se ministè li. L ap travay pou Bondye san panse avèk yon fanmi.
Sou dezyèm ang la, nou wè yon sèvitè ki marye deja men ki poko antre nan ministè. Pakonsekan, li pa ka panse sou ministè, djòb li se okipe fwaye li. Mwen kwè se de li menm Pòl ap pale nan 1 Timote 3.1 a lè li di:
Nan dezyèm vèsè a, premye prensip moun sa dwe respekte se maryaj ak fidelite (yon sèl konjwen).
3. Konjwen ki pa nan ministè ditou
Pou twazyèm ang la, nou imajine yon sèvitè marye ki pa angaje nan yon ministè piblik.
4. Minis ki konsakre pou Kris
E finalman, nou gen yon sèvitè ki konsakre lavi li nan travay Bondye a. Se de li menm Pòl ta pale nan 1 Korent 7.34 :
"yon fanm ki san mari, osinon yon jèn fi ki pa marye, sè zafè Seyè a sèlman y ap okipe, paske yo vle mete tout kò yo, tout nanm yo apa pou li".
Aprè analiz toukout sa sou 4 gwoup sèvitè sa yo, nou ka konkli sou pawòl sajès Salomon an:
“Gen yon lè pou chak bagay. Bondye fikse yon tan pou chak bagay k ap fèt sou latè” (Eklezyas 3.2).
Se Bondye ki te kreye maryaj epi ki te voye Jezi mouri pou sove lèzòm. Maryaj pa yon lòt Levanjil, okontrè li se youn nan baz li daprè enpòtans li pou dirije (1 Timote 3) ak konparezon Pòl fè de li avèk maryaj (Efezyen 5.22-30). Yon mari oswa yon madanm ki nan ministè bezwen fè ekilib.
Nan 1 Korent 7.5 la, Pòl klè:
“Piga yonn repouse lòt, esepte si nou te antann nou sou sa pou yon moman pou nou ka lapriyè. Men apre sa, tounen tounen nou ansanm pou n viv tankou mari ak madanm. Si nou pa fè l konsa, nou riske pa ka kontwole kò nou ankò. Lè sa a, n a ka tonbe pi fasil nan pèlen Satan”.
Ministè ak fanmi se de eleman ki nan Levanjil, youn pa ta dwe anpeche lòt mache. Okontrè, yon fwaye k ap byen mache se yon gwo avantaj pou legliz la. Mari k ap byen dirije fwaye li ap ka bay rezilta nan lidèchip li.
Yon madanm pa ka fè travay legliz la soufri akoz fanmi an, ni yon pastè pa ta dwe fè fanmi l soufri akoz legliz la. Fwaye a bezwen tan pa l, ministè a bezwen tan pa l tou. Youn pa dwe pran pye sou lòt. Gen yon tan pou biznis, lekòl, travay, tout fè pati de lavi yon kretyen.
Yon pastè ki malad pa ka sèvi ni legliz ni fanmi li.
Lè yon mari ap deside nan fwaye li, se pou li panse sou responsablite li nan Legliz la. Lè l ap deside Legliz la, li dwe panse sou responsablite li nan fanmi an tou. Depi gen ekilib, pa gen pati k ap pèdi.
Jerome Dorsonne Emerson
