Li pi fasil pou ou tande kwayan yo fè deklarasyon sa yo:
1. Nou vle yon bon pastè
2. M bezwen yon mari ki ka pran swen m
3. M vle yon madanm obeyisans
4. Nou pa bezwen entèl
5. Fòk li gen sa pou m dakò l
Tout moun ap mande sa yo bezwen, se byen. Youn nan deklarasyon Jezi yo apiye sa:
"Mande, y a ban nou. Chache, n a jwenn. Frape, y a louvri pou nou (Matye 7.7).
Sepandan, anpil fwa, ou konn jwenn sa ou bezwen an men ou pa ka kenbe l. Konsa, gen moun ki jwenn fiyanse fidèl ki pèdi li akoz li enfidèl. Gen move zanmi ki pèdi bon zanmi akoz engratitid. E gen patwon k ap pèdi bon anplwaye akoz move tretman.
Leson an pa difisil: pandan w ap mande, panse sou sa w ka bay pou kenbe. Chache pou jwenn men aprann jere. Pandan w ap frape pou yo louvri pou ou, pran san ou pou reponn.
Jerome Dorsonne Emerson
