#86| Eske kretyen ka ale nan tribinal? Poukisa?

Legliz se yon enstitisyon ki alafwa sosyal ak espirityèl. Poutèt li sosyal, li pa gen dwa repliye sou li menm. Li dwe devlope relasyon ak lòt enstitisyon ki nan vwazinaj li ak sa ki pi lwen li.

 Menm jan, nou al bay manje nan prizon, vizite malad lopital, kote nou oblije respekte prensip entèn enstitisyon sa yo, pa egzanp nou aksepte gen lè nou ka ale, gen lè nou pa ka ale, gen jan nou dwe konpòte nou anndan yo e latriye; enben, nou ka al nan tribinal.

Kisa nou pral fè?

1. Nou ka al swiv jijman, gade jan yo fè pou reyalize yo epi konprann yo.
2. 
   
   Nou ka al sèvi jire. Sa vle di, fè pati manm jiri k ap gen pou kondane moun ki fè zak kriminèl, ki fè san koule, ki touye moun.
3. Nou ka al sèvi temwen pou mete chaj sou moun ki komèt zak, osinon temwanye an favè sila yo ki inosan.

Konsa tou, nou ka ale pou nou konnen ki nouvèl lwa ki soti. Nan kisa lwa sa a konsène nou. Lè nou jwenn li, nou fè yon fason pou nou gen tèks la. Lè nou fin genyen l, nou fè fòmasyon pou manm legliz la pou yo menm tou konnen nouvèl lwa sa a ak tout egzijans li, ak tout avantaj li ofri.

Liv sa gen pou pibliye dimanch 28 me 2023 nan Senmak. 

Pou plis enfòmasyon, kontakte otè a nan 3728-9480

Lè konsa, legliz la ap mete yon komisyon sou pye. Se li ki va okipe l de zafè sa a. Komisyon sa a ka fòme ak tout moun legliz la ki gen konesans nan dwa oubyen yon gwoup jiris yo peye pou sa.

Estervinson JEAN LOUIS

#85| Pi bon mwayen pou evite repwòch nan fwaye ou

 

Gen moun ki kwè se legliz ki pa fè travay li ki fè fwaye yo pa ka mache byen. Petèt, yo bliye wòl chak konjwen ki defini devwa yo. Konsa, madanm nan repwoche mari li paske li pa fè sa li dwe fè. Egzanp, selon Bib la, mari a se chèf fwaye a. Si l ap mal mache, se fòt pa l puiske se li k ap dirije, se pa madanm li. 

Bò kote mari a, se madanm li ki pa soumèt (Efezyen 5.22). Pou sa, li pa sispann repwoche li chak fwa gen dezobeyisans, avèk oswa san rezon. 

Se pa inyorans ki fè yon mari kretyen pa dirije fwaye li byen, li fè yon chwa ki demontre iresponsablite li. Annefè, mo chèf ki defini wòl mari a tou montre devwa li. Konsa, yon mari ki pa konn devwa chèf li pa yon chèf kretyen (Efezyen 5.22-23). 

Alò, ki pi bon mwayen pou yon mari evite repwòch madanm li? Kòman yon madanm ka fè pou mari li pa repwoche li detanzantan? Bib la gen repons la: 

Se pou gason an fè tout devwa yon mari dwe fè anvè madanm li. Konsa tou, se pou fanm lan fè tout devwa yon madanm dwe fè anvè mari li (1 Korent 7.4). 

Kidonk, se pou chak moun fè travay yo. Depi prensip sa a, ansèyman sa a respekte nan yon fwaye, p ap gen plas pou enfidelite, vyolans, otoritaris, ensoumisyon ak tout sa ki dekoule de yo. 

Mari, ou ta renmen pou madanm ou respekte wòl chèf ou? Li senp: fè devwa ou. Madanm, ou vle pou mari w toujou felisite ou? Fè devwa ou gen anvè li.

Jerome Dorsonne Emerson

Foto: Top Chrétien